Grasrotandelen:
Tippe- og lottomidlar til BUL!PROGRAM
 |
Nidaros er det historiske namnet åt Trondheim by. Bondeungdomslaget vart skipa i 1904 og har i dag meir enn 200 medlemer. BUL i Nidaros har til føremål å samla barn og ungdom i alle aldrar til eigenaktivitet i eit godt og rusfritt miljø, og ta vare på norsk kultur og norsk mål. |
Tittelen kjenner me vel best gjennom Disney-filmen som gjekk på norske kinoar for snart tjue år sidan. Men «La Belle et la Bête» er opphavleg eit eventyr frå 1700-talet, skrive av Jeanne-Marie Le Prince de Beaumont.
I vår oppsetjing har me gått attende til Frankrike og historia om Belle og hennar møte med – og kjærleik til – det frykta udyret. Skodespelarane er amatørar frå BUL i Nidaros, og dei er i alderen 10 til 30 år.
Ingrid Kummeneje har skrive songtekstane, Sunniva Hovde har laga musikken, Berit Haltvik With har utforma kostyma, mimaren har fått hjelp av Åsa Løyning og Magnus Holan har sett ljoset. Marita Rødset har sett det heile saman til ei framsyning og instruert skodespelarane.
Arenaen er Tårnet på Munkholmen i Trondheimsfjorden – eit spanande og særprega teaterlokale der BUL har spela sumarteater i juni kvart år sidan 1984. Jamvel på varme dagar kan det vera kaldt inne i dei gamle murane, så litt ekstra klede kjem godt med.
Det går rutebåt utover til holmen kvar heile time frå Ravnkloa. Det vert sett opp ekstraavgangar for heimturen om kvelden. Båtbilletten er ikkje inkludert i teaterbillettprisen.
Prisar: Premiere og framsyningane frå 20. juni: Vaksne kr 180 / born kr 150. I tida 13. til 18. juni: Vaksne kr 160 / born kr 130. Dersom ein kjøper 15 eller fleire billettar betalar vaksne barnepris og born får ein rabatt på 20 kroner.
Stykket vert spela i tida 11. juni til 2. juli alle dagar bortsett frå laurdagar kl. 18.30. Sundagar vert det òg spela ei framsyning kl. 15.30.
Program
for 17. mai 2010
kl. 08.15 Ottesong i Nidarosdomen med songlaget i BUL.
kl. 10.00 Kaffisal i BUL-salen, Søndreg. 22 B.
kl. 12.15 Oppstilling ved Gildevangen til folketoget (evt kl. 13.00 ved Katedralskolen).
[11.05.10]
Konsert: Ei salig blanding
Torsdag 6. mai kl. 19.30 har Songlaget konsert i orgelsalen i Olavskvartalet
saman sopransolist Ingrid Fostad.
Les meir [05.05.10]
Valdresspringar med Kjellbjørn Karsrud fredag 5. mars
Folkedanslaget bed inn til dansekveld med valdresspringar på
BUL-hytta fredag 5. mars kl. 2024. Spelmann
er Kjellbjørn Karsrud frå Valdres. Inngangspengar er 80 kr (medlem);
150 kr (ikkje-medlem).
Kom òg på onsdagsleiken 3. mars (kl. 19.30 i BUL-salen i Søndre gate 22 B). Då kjem Hilde Rudi Bråten og rettleier i valdresspringar. Det er eit framifrå høve til å bu seg til fredagskvelden to dagar seinare. [25.02.10]
Nyårsfest
Laurdag 16. januar klokka 19.30 i BUL-salen vert det variert dansemusikk ved Trondheim Toradergruppe og
spelmannslaget i BUL i Nidaros. Kaffi og kaker. Billett: 100, Medlem BUL/NU: 70,
Les
meir [06.01.10]
Songlaget
tar opp nye medlemmer
Songlaget tar opp nye i alle stemmegrupper - sopran, tenor, bass, og
alt.
I vår startar vi med ein fresk og ny dirigent.
Semesteret starta 11. januar, men det er enno ikkje for seint å bli med.
Les meir [12.01.10]