Arkiv 2007:

Ledig halvstilling som jubileumskoordinator i Teaterlaget
I samband med at Teaterlaget er 100 år i 2008, lyser vi ut eit årsengasjement som jubileumskoordinator i halv stilling. Arbeidsoppgåvene er i første rekkje knytt til prosjekt og aktivitetar i jubileumsåret, mellom anna jubileumsfest, sommarteater på Munkholmen og andre produksjonar. Les utlysinga her [15.12.07]

Kva er snilt og kva er slemt?
Det er duka for moro og alvor når den yngste ungdomsgruppa i teaterlaget set opp ”Det blæs på månen" av Eric Linklater, i BUL-salen 9.-16. november 2007. Vi møter søstrene Dina og Mina, mange slags rare dyr og ein diktator som mest av alt gler seg over å sjå menneske bli pint mens han et sjokoladekaramellar. Stykket passar for barn frå 5 år. Regi: Ragnhild Ljosland. Tinging av billettar på teaterlaget@bulinidaros.no. [20.10.2007] Les meir her

Klart for Risk i BUL-salen
BUL-salen er gjort om til svart boks, og det er klart for sterke scener når vaksengruppa i Teaterlaget spelar "Risk" av Christopher Grøndahl 28. september - 7. oktober. Tinging av billettar på teaterlaget@bulinidaros.no. Plakaten er laga av Tor M. Hetland. [22.09.2007]
Les meir her

:Layout: fekk sølv under NM i teatersport for amatørar på Lillehammer
Emilie Mordal Konradsen og Børge Bruteig frå BUL i lag med klassekamerat Jo Even Stene Bjørke frå Ringve fekk sølv under årets NM i teatersport på Lillehammer. Det var regjerande noregsmeistrar, ImproTent frå Oslo, som stakk av med sigeren for tredje år på rad. I finalespelet laurdag kveld 22. september, endte poengsummen på 47 for :Layout: mot 50 poeng for ImproTent. Godt gjort av ungdommane frå Trondheim! (Foto: Bjørn Alex Olsen). [22.09.2007]

Teaterlaget spelar Ibsenpris-vinnar
Fredag 28. september er det duka for urpremiere på sceneversjonen av «Risk»i BUL-salen, eit spennande stykke samtidsdramatikk av Christopher Grøndahl med Rickard Skjong som regissør. Grøndahl har hausta lovord og prisar som dramatikar etter at han debuterte med høyrespelet «Niveanatt» i 2001. I år fekk han Ibsenprisen for høyrespela «Silent Winds of Blackpool» og «Tundra». [27.08.07] Les meir

Superlativ for Alice på Munkholmen
Superlativa sit laust etter premieren på Alice i eventyrland 8. juni på Munkholmen. Både publikum og avismeldarane gir ros til regissørane Mads Bones og Olve G. Løseth (biletet), til musikken, kostymane, scenografien, lyssetjinga og ikkje minst til skodespelarane, både enkeltvis og i lagspel. Som Klassekampen skriv: "Oppsettinga av Alice i eventyrland er ein sensasjon!" [11.06.07] Les meir.

Plakatar og pressemateriell klart for Alice i eventyrland
Alice (Emilie Mordal Konradsen) har vore modell for fotograf Kjetil Nordø, som har laga plakatar og anna presse- og pr-materiell for årets sommarteater på Munkholmen. I desse dagar er det også innspurt på kostymearbeidet — kyndig leia av Berit Haltvik — og tysdag 29. mai er det planlagt kostymevernisage på Munkholmen! [21.05.07]
Les meir

Illyria på Det Norske Teatret laurdag 12. mai
Ungdomsgruppa U1 reiser onsdag 9. mai med buss til Oslo for å delta på den nasjonale DUS-festivalen. Illyria skal gå på Scene 2 laurdag 12. mai kl. 16:00. I tillegg til dei 11 ulike framsyningane byr festivalen på seminar med dramatikarar, workshop med Teaterskolen, omvisning på teatret og DUS-fest. Billettar til framsyningingane til sals på Det Norske Teatret tlf. 22424344. [07.05.2007]

Team :layout vann Midtnorsk meisterskap i teatersport
Emilie Mordal Konradsen og Børge Bruteig frå BUL i lag med klassekamerat Jo Even Stene frå Ringve vann laurdag 14. april Midtnorsk meisterskap i teatersport på Byscenen, i skarp konkurranse med andre teatersportgrupper frå Trøndelag. Dei går no vidare til NM i teatersport som blir arrangert på Lillehammer 21.-23. september (Foto: Bjørn Alex Olsen). [14.04.2007]

Sjørøvarfest i Pirbadet
12-14-årsgruppa i Teaterlaget er med på å skape sjørøvarstemning i Pirbadet når Kosmorama byr på fest for dei minste, med filmar som Olsenbanden jr. går under vann, Sigurd Drakedreper, Peter Pan og Pippi Langstrømpe drar til sjøs. Laurdag 21. april kl 18:00. Aldersgrense 7 år. Billettsal på Pirbadet og hos Trondheim Kino. [12.04.2007]

Ungdomsgruppa tatt ut til å spele på Det Norske Teatret i mai
Ungdomsgruppa i Teaterlaget i BUL vart onsdag 28. mars valt ut til å representere Trøndelag på den nasjonale DUS-festivalen på Det Norske Teatret 10.-12. mai 2007. Vår oppsetning "Illyria" av Bryony Lavery var ein av seks oppsetningar frå Nord- og Sør-Trøndelag som var samla til trøndersk DUS-festival i februar. Måte ungdommane hadde gjort teksten til sin eigen, imponerte juryen. [29.03.2007] Les meir

Teaterlaget set opp stykke av årets Ibsenprisvinnar
Tysdag 20. mars fekk Christopher Grøndahl Ibsenprisen 2007 for to høyrespel som vart sendt i Radioteatret i 2006. I 2003 fekk han Prix Europa-prisen "Best Radio Drama" for RISK - som vaksengruppa i Teaterlaget skal ha premiere på i september. [21.03.2007] Les meir

Alice på Munkholmen
Årets sommarteater på Munkholmen blir barnebokklassikaren "Alice i eventyrland" av Lewis Carrol. Mads Bones og Olve G. Løseth er instruktørar, Sunniva Hovde musikalsk ansvarleg, og rundt 30 av teaterlagets skodespelarar i alle aldrar deltar. Speleperiode: 8.-29. juni 2007. [10.03.2007]
Les meir

Klart for "I denne verden er alt mulig"
Fredag 9. mars 2007 har ungdomsgruppa premiere på Klaus Hagerups "I denne verden er alt mulig", om hitlerjugendungdommen Rudolph Grosche. Regien er ved Mira Dyrnes Askelund og Petter Rossvoll, og stykket blir spela 5 gonger i BUL-salen. [01.03.2007].
Les meir

Ungdomsgruppa spelar "Illyria"
Fredag 9. februar 2007 er det premiere på ungdomsgruppa si oppsetning av "Illyria" av Bryony Lavery. Vi får servert sterke og absurde scener når den unge journalisten Maria kjem til eit land der borgarkrigen har vorte daglegliv. Stykket er del av prosjektet "Den unge scenen", og blir spela 6 gonger i BUL-salen i februar. [20.02.2007] Les meir

Årsmøte 6. februar
Vi minner om årsmøtet i Teaterlaget tysdag 6. februar 2007 kl 19 i BUL-salen, Søndre g 22B. Årsmøtet handsamar årsmelding og rekneskap, budsjett, val av nytt styre og fastsetjing av medlemskontingent. Medlemmer over 14 år har stemmerett. Vel møtt! [27.01.2007]

Sving på kostymene
Styret har engasjert Berit Haltvik til å hjelpe oss med å få orden på kostymelageret! Målet er å få rydda, kategorisert og systematisert kostymene, slik at vi veit kva vi har og kor vi har det :-). Samstundes flyttar vi kostymene vekk frå Gildevangen og over i lageret i Karl Johans gate. Det gamle kostymelageret vil no bli brukt til lagring av plattingar og anna som det er vanskeleg å flytte.

Arkiv 2006