Ledig prosjektstilling som jubileumskoordinator i Teaterlaget i BUL, 50%.

I samband med at Teaterlaget i BUL er 100 år i 2008, lyser vi ut eit årsengasjement som jubileumskoordinator i halv stilling. Teaterlaget i BUL er eit amatørteaterlag med 70 medlemmer i alderen 8-80 år, med barne- og ungdomsgrupper, vaksengruppe og aktivitetar på tvers av alder. Den største fellessatsinga er sommarteatret på Munkholmen tre veker i juni. Teaterlaget er eit særlag under Bondeungdomslaget i Nidaros.

Arbeidsoppgåvene vil i første rekkje vere å:

• utvikle, koordinere og bidra til gjennomføring av prosjekt og aktivitetar i jubileumsåret, mellom anna jubileumsfest, sommarteater på Munkholmen og andre produksjonar
• profilere teaterlagets aktivitetar i media
• søkje om støtte hos offentlege instansar og sponsorar

Vi søkjer ein jubileumskoordinator som kan arbeide sjølvstendig, er organisatorisk dyktig og initiativrik. Vi vil leggje vekt på:

• bakgrunn frå/kunnskap om organisasjonsarbeid
• erfaring eller utdanning innan teater eller anna kulturarbeid
• presse/PR-erfaring
• gode samarbeidsevner
• god munnleg og skriftleg framstillingsevne
• førarkort for bil
• engasjement og godt humør

Løn etter avtale.

Spørsmål om stillinga kan rettast til styremedlem Inga E. Bruteig tlf 93658999. Send søknad med CV, attestar og vitnemål til lagskontor@bulinidaros.no eller til BUL i Nidaros, Dronningens g 23, 7011 Trondheim innan 7. januar 2008.