Rolleliste
Foto
Historisk bakgrunn:
Posepiltane hadde løyve til å tigge.
Byen var delt i 7 område, eitt for kvar dag i veka. Dei hadde med seg
korger til brød og anna, og ei bøsse til pengar. Kvart år
fekk dei 60 alen vadmel (vømmøl) frå sju gardar i Vågå,
avgifta frå to fortøyings-ringar på Lillefosen (Kristiansund)
og ein del av kyrkje-tienden frå Strinda. Dei hadde og ei eiga bøsse
som vart bore rundt i alle kyrkjelydane i soknet på høgtidsdagar.
Magister Simon Hoff frå Danmark, lektor og forstandar, var ein korrupt
og forgjelda mann. Det året han døydde (1708), vart han sikta
for undeslag av midlane til posepiltane. Han vart dømd til å
betale erstatning for ei rekkje brot til stiftelsane og Latinskolen.
”Jul
i Throndhiem” er eit julespel lagt til sist på 1600-talet, på den tida då
offisiell skrivemåte på byen var Throndhiem og posepiltane vandra rundt i
bygatene og song og tagg mat.
Stykket
er skrive av Hallvard Lydvo, og vart første gong spela i Arbeiderforeningen
før jul i 2000. To gonger er stykket spela i BUL-salen. Som tidlegare er det
barnegruppa som er grunnstammen i oppsetninga, supplert med enkelte ungdommar
og vaksne frå Teaterlaget.