Den unge scenen - DUS 2007: Illyria

Illyria i Oslo
Under den nasjonale DUS-festivalen i Oslo 10.-12. mai representerte ungdomsgruppa i teaterlaget Trøndelag . Vår versjon av Illyria vart spela på Scene 2 på Det Norske Teatret laurdag 12. mai kl 16:00.

Det var så godt som fullsett sal på Scene 2 på Det Norske Teatret under vår framsyning av Illyria, og Bryony Lavery sjølv var også i salen. Ho gav uttrykk for at det var ei spesiell oppleving å sjå sitt eige stykke framført på eit språk ho ikkje kunne - og så likevel forstå alt! Det var stor stemning i salen, og ståande applaus for ungdommane.

I samband med at Illyria drog til Oslo for å spele under den nasjonale DUS-festivalen i mai, var det to ekstraframsyningar i BUL-salen:

• måndag 30. april 2007 kl 17:00
• måndag 7. mai 2007 kl 17:00

Gratis inngang - speletid 1 time.

Ungdomsgruppa si oppsetning av Illyria vart onsdag 28. mars valt ut til å representere Trøndelag på den nasjonale DUS-festivalen på Det Norske Teatret 10.-12. mai 2007, i sterk konkurranse med fem andre ungdomsgrupper i regionen.

Juryen uttaler at BUL vart valt ut blant anna på måten dei gjorde teksten til sin eigen, på den sceniske framstillinga av stykket og måten dei utnytta det sceniske uttrykket. Les pressemeldinga frå Trøndelag Teater her.

På den nasjonale DUS-festivalen i mai deltar i alt 11 ungdomsteatergrupper valt ut frå dei 7 DUS-regionane:

• BUL i Nidaros "Illyria"
• Tangen Ungdomsteater "Illyria"
• Jugendteatret "Den siste songen"
• Karmøy Kulturskole "Den siste songen"
• Bærum Barneteater "Den siste songen"
• Hallingdal ungdomsteater "Verkeleg"
• Nordic Black Theatre "Verkeleg"
• Homo Sapiens, Ytre Salten "Samfunnsånd"
• Haugesund Teater "Samfunnsånd"
• Metropolis "Nytt for reisende"
• Røren BUT "Nytt for reisende"

Sterkt stoff vart presentert i BUL-salen då ungdomsgruppa (16-19 år) spela Illyria av Bryony Lavery i februar 2007.

Speleplan:
fredag 9. februar kl 20:00
tysdag 13. februar kl 20:00
torsdag 15. februar kl 20:00
søndag 18. februar kl 20:00
tysdag 20. februar kl 20:00
torsdag 22. februar kl 20:00
- alle dagar i BUL-salen, Gildevangen

Billettar kr 80/100 på teaterlaget@bulinidaros.no og ved inngangen.

Gruppa deltok også på den trønderske DUS-festivalen på Byscenen 16.-17. februar, i lag med 5 andre trønderske ungdomsteatergrupper. Gruppa hadde møte med DUS-juryen etter framsyninga, og fekk svært positive tilbakemeldingar.

Seks ungdomsgrupper frå Trøndelag vart våren 2006 tatt ut til å delta i prosjektet Den unge scenen (DUS) 2007, og ungdomsgruppa vår var ei av desse.

Målet med DUS-prosjektet er å stimulere produksjonen av ungdomsteater ved å utvikle nye sceniske tekstar for ungdom, til framføring av ungdom. Dette landsomfattande prosjektet er organisert i sju regionar med ni teater-institusjonar tilknytta. Vår gruppe soknar til Trøndelag Teater. Gruppene kunne velgje mellom fem nyskrivne tekstar, og vi har valt "Illyria" av Bryony Lavery.

I stykket møter vi Maria, ein ung journalist på oppdrag i det krigsherja landet Illyria. Illyria var ein gong eit grønt og frodig land, fylt av dans, eventyr og songar. No er alt grått, farleg, mistenksamt og skremmande – og det er eit enormt gap mellom dei som styrer og dei som blir styrt.

Vi har valt Illyria fordi vi synest det har eit spennande språk med mange mulegheiter, og fordi temaet som blir tatt opp er kokande viktig og sydande aktuelt. Historia er bygd opp på ein humoristisk og god måte, og fortel meir enn det ein oppfattar ved første augekast.

Kontaktperson: Vera Krohn-Svaleng (e-post)